Haustens fyrste stemne!

Haustens første symjestemne, Araberswim i Haugesund, gjekk av stabelen helga 15.-16 september! Stord stilte med 15 symjarar og imponerte med knallgod symjing! 
Jentene våre er i god driv: 
Berthine V Tønnessen persa med 12.98 sek på 400m fri og 3.97 sek på 50m fly, Ingrid Undheim og Eva F Tesdal persa flott på 50m rygg. Eva persa også med 10.33 sek (!) på 100m bryst! Annie Onarheim tok ein fin 4.plass på 100m bryst. Ellinor Isaac og Adine Saue fekk flotte tider på 100m bryst og 50m fri. Ida Helen Gudding persa på både 50m fri, 100m fri og 50m butterfly!
Gutane er også i god haustform: 
Lars Isdahl Føyen, Elias Nordfonn, Kevin Z Hillesdal, Oskar Råen og Tønnes V Tønnessen fekk blant anna fine plasseringar og persar på 50, 100 og 200m rygg. På 50m fri tok me mange medaljar og gode tider med oss heim: flott jobba av Didrik Gudding, Severin Langaker, Elias, Tønnes, Oskar og Kevin! Tobias E Samuelsen og Lars persa med 2.77 sek og 1.35 sek på 100m individuell medley. På 100m rygg hanka Tønnes, Didrik, Elias, Oskar og Kevin inn persar, flotte plasseringar og medaljar!